რადიკალური ჯგუფების მხრიდან პარლამენტის წინ აღმართული ევროკავშირის დროშის ჩამოგლეჯისა და დაწვის ფაქტს, ჟურნალისტი თეონა ცხომელიძე “ფეისბუქის” პირად გვერდზე აფასებს:
“ერთი წამით გული შემეკუმშა ევროკავშიროს დროშა რომ ჩამოგლიჯეს ველურებმა, მაგრამ არა.30 ტყიური, რუსეთის მონის მიერ ქსოვილის ნაჭრის ჩამოხსნა არაფერია. დროშაც იფრილებს და ჩვენც გავხდებით დასავლური სამყაროს ნაწილი!ვერაფერს შეცვლიან, ვეღარასოდეს! დღეს მე ამ ქვეყნის მომავალი ვნახე პარლამენტთან” – წერს ჟურნალისტი.
პარლამენტის თავმჯდომარემ საკანონმდებლო ორგანოს წინ დღეს ევროკავშირის დროშა თავად დაკიდა.
“ევროპულ და ევროატლანტიკურ სტრუქტურებში ინტეგრაცია ქართველი ხალხის ისტორიული არჩევანია და ამ გზაზე აუცილებლად ვივლით წინ!მიუღებელია ევროკავშირის დროშის დაშვება. ჩვენი სტრატეგიული პარტნიორები საქართველოს სუვერენიტეტისა და ტერიტორიული მთლიანობის სადარაჯოზე მუდმივად დგანან. მათი წვლილი საქართველოს განვითარებაში ფასდაუდებელია.უნდა გვახსოვდეს, რომ ჩვენ, ყველას, ერთი სამშობლო გვაქვს, რომლის ისტორიას, ტრადიციებსა და რელიგიას არაფერი აქვს საერთო ძალადობასთან,” – წერს კახა კუჭავა “ფეისბუქზე”.