პროდიუსერი და ტელეწამყვანი ნოე სულაბერიძე ჰომოფობიური და ძალადობრივი აქციის მონაწილეების მხრიდან მედიასა და მშვიდობიან მოქალაქეებზე ძალადობას “ფეისბუქის” პირად გვერდზე ეხმაურება:
“ნებისმიერი პროფესიული, თუ არაპროფისიული კუთვნილების განურჩევლად, ყველანაირი ტიპის ძალადობა არის მიუღებელი და დასაგმობი!!! წარსულში ცხოვრება არავის გვინდა!!!” – წერს სულაბერიძე სოციალურ ქსელში.
გუშინ, 5 ივლისს ძალადობრივი ჯგუფების წევრები ფიზიკურად გაუსწორდნენ მედიასაშუალების წარმომადგენლებს. მედიის 53 წარმომადგენელი დაშავდა. ამასთან, „თბილისი პრაიდის“ მოწინააღმდეგეები „პრაიდის“ ორგანიზატორების ოფისში შეიჭრნენ, დაიკავეს აივანი, ჩამოხსნეს ლგბტ თემის შვიდფერიანი დროშა და საქართველოს დროშა აღმართეს. „სირცხვილიას“ ოფისს ბოთლები და სამშენებლო ფილები დაუშინეს.