ნანუკა ჟორჟოლიანმა მოკლულ ტრანსგენდერ ქალს, კესარია აბრამიძეს საკუთარ გადაცემაში ემოციური მონოლოგი მიუძღვნა.
„დაკრძალვის დღეს კესარიას სასახლეზე თეთრი მტრედი დაფრინდა. არ მოშორდა სასახლეს. იჯდა მშვიდად და ადამიანების არ ეშინოდა. ვინც კესარიას იცნობდა, იცოდა მისი მანერა. მტრედიც ასე დამაჯერებლად იყურებოდა.
ფრთები მართლა გქონია გოგო და ზუსტად ვიცი, ახლა დაფრინავ იქ, სადაც დემონებს არ უშვებენ“, – საუბრობს ნანუკა ჟორჟოლიანი.
შეგახსენებთ, რომ კესარია აბრამიძის მკვლელობის ფაქტზე 26 წლის მამაკაცი, ბექა ჯაიანია დაკავებული. მას 16-იდან 20 წლამდე ან უვადო პატიმრობა ემუქრება.
გამოძიების ინფორმაციით, 18 სექტემბერს, 26 წლის კაცმა ტრანსგენდერი ქალი საკუთარ სახლში გენდერის ნიშნით განსაკუთრებული სისასტიკით მოკლა.
პროკურატურის ინფორმაციით, კესარია აბრამიძეს დანით 28 ჭრილობა აქვს მიყენებული. აბრამიძე თბილისში, დიდ დიღომში, ავთანდილის ქუჩაზე, საკუთარ ბინაში მოკლული იპოვეს.
ტრანსგენდერი ქალის, კესარია აბრამიძის მკვლელობაში ბრალდებულ ბექა ჯაიანს სასამართლომ აღკვეთის ღონისძიების სახით პატიმრობა შეეფარდა