“არ გამოუვა ილია მეორეს წმინდანად დაასრულოს თავისი კარიერა. არ გამოუვა!”
არ შეგარჩენთ, ნაძირლებო, წვერებიანი ავაზაკებო! – ამის შესახებ ჟურნალისტი ეკა კვესიტაძე სოციალურ ქსელში წერს, რომელიც მედიის წარმომადგენლებზე თავდასხმის ფაქტებს ეხმაურება.
“მე, როგორ ერთი ჟურნალისტი, დიდი ხანია ამ წვერებიან ვიგინდარებს არანაირი საეკლესიო ტიტულით არ მოვიხსენიებ. უნდა მოვიხსენიოთ ყველა თავისი სახელით და გვარით და თავისი ბიოგრაფიით- რომელიც სავსეა ძალადობის, თაღლითობის თუ ქურდობის ფაქტებით. კოლეგები გვიცემეს ამ ვიგინდარებმა, როგორ შეიძლება მათი რაიმე ტიტულით მოხსენიება ან პიეტეტის ნასახის გამოჩენაც კი მათი მისამართით” – წერს კვესიტაძე.
ღირსების მარში დღეს, 5 ივლისს, ვერ შედგა. მარშის არჩატარების გადაწყვეტილება Tbilisi Pride-ის ორგანიზატორებმა მას მერე მიიღეს, რაც ქალაქის ცენტრში ეკლესიის მიერ ორგანიზებულმა ძალადობრივმა ჯგუფებმა ათობით ადამიანზე დაუსჯელად იძალადეს, თავს დაესხნენ არასრულწლოვნებს, დაამტვრიეს ტექნიკა, პარლამენტის შენობის წინ გაშლილი ოპოზიციის კარვები დაშალეს, შეიჭრნენ და დაარბიეს სირცხვილიასა და თბილისი პრაიდის ოფისები.
აგრესორმა ჯგუფებმა და მათ შორის სასულიერო პირებმა რუსთაველის გამზირზე დილიდანვე დაიწყეს მობილიზება, რომლებიც თავიდანვე აგრესიულად გამოირჩეოდნენ.
მათ იერიში ჟურნალისტებსა და ოპერატორებზე მიმართეს. ჯამში 40-ზე მეტი ჟურნალისტი დაშავდა.