ცნობილი ხდება კესარია აბრამიძის მკვლელობაში ბრალდებული პირის ვინაობა.
Cnews–ის წყარო ამბობს, რომ მამაკაცი კესარიას სვანეთის ტურიდან გამოჰყვა.
სამართალდამცავები ბ.ჯ.-ს ყველგან ეძებენ.
ცნობილი ტრანსგენდერი ქალი კესარია აბრამიძე საკუთარ საცხოვრებელ ბინაში მოკლეს.
შსს–ის ინფორმაციით, კესარია აბრამიძე დანითაა მოკლული. მისი ცხედარი დიდ დიღომში, ავთანდილის ქუჩაზე მდებარე საცხოვრებელ სახლში ნახეს. გავრცელდა ინფორმაცია, რომ ბრალდებული მისი მეგობარი მამაკაცია, კონფლიქტის მიზეზი სოციალურ ქსელში გავრცელებული ფოტო გახდა.
შინაგან საქმეთა სამინისტროში მკვლელობის ფაქტს ადასტურებენ და აცხადებენ, რომ განზრახ მკვლელობის ფაქტზე გამოძიება საქართველოს სისხლის სამართლის კოდექსის 108-ე მუხლით მიმდინარეობს.
კესარია აბრამიძე 18 აგვისტოს 37 წლის გახდა.