მერაბ დვალიშვილი UFC-ის სუპერმსუბუქი წონის ახალი ჩემპიონია. მებრძოლმა ამერიკელი შონ ო’მალი დაამარცხა. ბრძოლის თითქმის ყველა რაუნდი ქართველის უპირატესობით მიმდინარეობდა.
33 წლის ქართველი მებრძოლი აცხადებს, რომ UFC-ის საჩემპიონო ქამარს დიდი ხნის განმავლობაში შეინარჩუნებს.
შონ ო’მალის დამარცხების შემდეგ ახლა უკვე მთავარი კითხვაა, ვინ იქნება მერაბის შემდეგი მეტოქე, ვისთანაც ქამრის დაცვა მოუწევს.
ყველაზე რეალურ კანდიდატად უმარ ნურმაგომედოვი სახელდება. უმარი, ლეგენდარული მებრძოლის, ხაბიბ ნურმაგომედოვის ნათესავი და ამჟამად UFC-ის სუპერმსუბუქ წონაში ერთ-ერთი ყველაზე წარმატებული სპორტსმენია.