უეცარი სისუსტე ან დაბუჟება შეიძლება მიუთითებდეს მოსალოდნელ ინსულტზე, ეს ნიშნები რამდენიმე კვირით ადრე ვლინდება. ამის შესახებ ნევროლოგი ვლადიმერ მარტინოვი საუბრობს.
მისივე თქმით, ინსულტამდე რამდენიმე კვირით ადრე შეიძლება მხედველობაც გაუარესდეს. სხვა გამაფრთხილებელი ნიშნები შეიძლება იყოს ძლიერი თავის ტკივილი, თავბრუსხვევა, კოორდინაციისა და ცნობიერების დროებითი დაკარგვა.
ექიმმა აღნიშნა, რომ ინსულტი, როგორც წესი, მოულოდნელად ხდება, მაგრამ ზემოაღნიშნული სიმპტომების გამოვლენა შეიძლება მიანიშნებდეს სასწრაფო სამედიცინო დახმარების საჭიროებაზე.