Sky Sport-ის ჟურნალისტის ჯანლუკა დი მარციოს ინფორმაციით, ხვიჩა კვარაცხელია საქართველოს ნაკრებიდან დღეს ნეაპოლში დაბრუნდა და სამედიცინო შემოწმებაც გაიარა.
დი მარციოს განმარტებით, კვარაცხელიას ალბანეთის ეროვნულ გუნდთან მატჩისას მიღებული ტრავმა სერიოზული არ აღმოჩნდა და მწვრთნელმა ანტონიო კონტემ შვებით ამოისუნთქა.
ამავე მედიასაშუალების კორესპონდენტმა ფრანჩესკო მოდუნომ გავრცელებული ინფორმაცია დაადასტურა და განაცხადა, რომ კვირას “კალიარისთან” ჩასატარებელ შეხვედრამდე საკმაო დროა, იმედია, “კვარა” მწყობრში ჩადგება და პირველივე წუთებიდან რომელუ ლუკაკუსთან ერთად შეუტევს მეტოქის კარს.