საქართველოს ეროვნულმა ნაკრებმა შემოდგომის ციკლი შესანიშნავად დაიწყო და საკმაოდ დიდი სხვაობით შეძლო მეტოქის დამარცხება.(4:1)
რა თქმა უნდა, შესანიშნავად ითამაშა ხვიჩა კვარაცხელიამ, რომელმაც 1 პენალტი გამოიმუშავა, 1 გოლი გაიტანა და 1 საგოლე გადაცემაც შეასრულა.
ეროვნული გუნდისა და ნაპოლის ლიდერმა მატჩის შემდეგ ასეთი კომენტარი გააკეთა:
“გუნდის თამაშს დადებითად შევაფასებ. ჩემი აზრით, დღეს რა ფეხბურთიც ვაჩვენეთ, წარმოუდგენელი იყო. ვეცადეთ, რომ ლამაზი ფეხბურთი გვეჩვენებინა და ალბათ, გამოგვივიდა კიდეც.
ჩეხეთი ევროპის ერთ-ერთი საუკეთესო ნაკრებია, მაგრამ დღეს ჩვენი დღე იყო. შედეგი გამოიღო იმან, რომ დამაგვირგვინებელ ფაზაში ძლიერები ვიყავით და ფეხბურთიც სწორედ ესაა.
პირველი გოლი ჩემს ბავშვს და ლაშა ბექაურს მივუძღვენი” – აღნიშნა ხვიჩა კვარაცხელიამ.
გაცნობებთ, რომ საქართველოს ნაკრებს მომავალი შეხვედრა 10 სექტემბერს ტირანაში ელის, მათი მეტოქე კი ალბანეთი იქნება.