პორტუგალიის ერთ-ერთი ციხიდან ხუთი პატიმარი გაიქცა, მათ შორისაა ქართველიც. მსჯავრდებულები დედაქალაქ ლისაბონიდან 70 კილომეტრში მდებარე ვალე-დე-ჟუდეუსის მკაცრი რეჟიმის აპატიმროდან გაიქცნენ- ინფორმაციას პორტუგალიური მედია იუწყება.
გაქცეულ პატიმრებს შორის არის ორი პორტუგალიელი, ერთი არგენტინელი, ასევე ბრიტანელი, რომელიც ცხრაწლიან სასჯელს გატაცებისა და ძარცვისთვის იხდიდა.
ადგილობრივი მედიის ინფორმაციით, პორტუგალიელებს 25-წლიანი პატიმრობა ჰქონდათ მისჯილი არაერთი დანაშაულისთვის, მათ შორის ნარკოვაჭრობისთვის, ქურდობისთვის, ძარცვისა და გატაცებისთვის. დანარჩენი სამი სასჯელს იხდიდა ისეთი კანონდარღვევებისთის, როგორიცაა ქურდობა, გატაცება და ძარცვა.
პორტუგალიის სასჯელაღსრულების სამსახურის განმარტებით, პატიმრები შაბათ დილით კედელზე კიბის საშუალებით გადაძვრნენ, რა დროსაც გარედან მათ დახმარება აღმოუჩინეს. პორტუგალიის ციხის მცველთა ეროვნული გაერთიანება აცხადებს, რომ გაქცეული პატიმრები უკიდურესად საშიში არიან. უწყება მოქალაქეებს მოუწოდებს, არ მიუახლოვდნენ მათ. პორტუგალიის პოლიციამ მათ დასაკავებლად საერთაშორისო დახმარება ითხოვა.