„ერთიანი ნაციონალური მოძრაობა _ გაერთიანებული ოპოზიცია „ძალა „ერთობაშია“ საპარლამენტო თანამდებობებს ითხოვს. დოკუმენტს ხელს ხატია დეკანოიძე აწერს.
ფრაქციის თავმჯდომარე ხატია დეკანოიძემ აღნიშნულთან დაკავშირებით განცხადებით პარლამენტის სპიკერს მიმართა და იმ ადამიანების სია ჩამოუწერა, ვინც საპარლამენტო კომიტეტებში თავმჯდომარის მოადგილეების პოსტები უნდა დაიკავონ.
პარტია “გირჩის” დეპუტატმა იაგო ხვიჩიამ სოციალიურ ქსელში დეკანოიძის მიმართვა გამოაქვეყნა,
“კოლეგები, რომლებიც ცოტა ხნის წინ ჩვენ გვლანძღავდნენ, იმის გამო რომ პარლამენტში შესასვლელიაო ვიძახდით, ახლა თანამდებობებს ითხოვენ”, – წერს ხვიჩია “ფეისბუქის” გვერდზე.
აღნიშნული დოკუმენტის გამოქვეყნებას პარლამენტში “ნაციონალური მოძრაობის” დეპუტატების გაღიზიანება მოჰყვა.