საქართველოს ნაკრებმა ჩეხეთი დიდი ანგარიშით, 4-1 დაამარცხა – საქართველოს ნაკრებმა პირველი ტაიმის 32-ე წუთზე ანგარიში გახსნა. პირველი გოლი ხვიჩა კვარაცხელიამ პენალტით გაიტანა. უკვე მეორე ტაიმში – 52-ე წუთზე მეორე გოლი გიორგი ჩაკვეტაძემ გაიტანა, რის შემდეგაც 63-ე წუთზე ანგარიში ისევ გაიზარდა – მესამე გოლი გიორგი მიქაუტაძემ შეასრულა.2 წუთში ჩეხეთის ნაკრების კარში კიდევ ერთი გოლი გავიდა, მისი ავტორი გიორგი ქოჩორაშვილია.
მატჩის შემდეგ ჩეხმა გულშემატკივრებმა საკუთარი ქვეყნის ნაკრების ფეხბურთელები მიწასთან გაასწორეს.
ქართველებმა სასტიკი რეალობა დაგვანახეს. ეს ეროვნული სიამაყის სირცხვილად შეცვლას ნიშნავს!
ყველაზე ცუდი ევრო ჩავატარეთ და ჰაშეკი ისევ პოსტზეა. ეს მხოლოდ ჩეხეთში შეიძლება ხდებოდეს.
ყველა იმ კლოუნს ვულოცავ ამ შედეგს, ვინც დღეს ჩეხურ ფეხბურთს მართავს.
საბოლოო შეფასება? – სირცხვილი, სირცხვილი და ისევ სირცხვილი!
სახლშიც მიწაში თავით ჩაგვარჭობენ, მეტის მოლოდინი როგორ უნდა მქონდეს?
გამოგყევით, გვერდში დაგიდექით, თქვენ კი რა აკადრეთ ქვეყანას?
– წერენ ჩეხი ფანები.
წყარო: sportline.ge