🎥ხმაური და დაპირისპირებაა გლდანში – პოლიციამ ირაკლი ეძგვერაძე და ირაკლი ნადირაძე დააკავა

გლდანში,  საკრებულოს დეპუტატ ირაკლი ეძგვერაძის სახლთან, სადაც პოლიციაა მობილიზებული, ხმაური და დაპირისპირებაა.

პოლიციამ ირაკლი ეძგვერაძე და ირაკლი ნადირაძე დააკავა.

საკრებულოს დეპუტატ ირაკლი ეძგვერაძის სახლთან ცოტა ხნის წინ ინციდენტი მოხდა. დეპუტატს ძალოვანებები დაუპირისპირდნენ.

“მთავარი არხის” ინფორმაციით, პოლიციის მხრიდან აგრესია და ძალადობა მას შემდეგ დაიწყო, რაც “ნაციონალური მოძრაობის” წევრი შეეცადა გაერკვია, რატომ იყვნენ მობილიზებული ძალოვანები მის ავტოფარეხთან.

შეგახსენებთ, რომ გასული წლის 22 სექტემბერს, ენმ-ის თბილისის საკრებულოს დეპუტატს, ირაკლი ეძგვერაძეს და მის მეგობრებს, კახა ალადაშვილს, ჯაბა ზარასპაშვილსა და დავით დანელიას გლდანში, “ოცნებასთან” დაახლოებული პირები ეძგვერაძის კერძო საკუთრებაში დაესხნენ თავს და ფიზიკურად გაუსწორდნენ.