“ორი აზრი არ არის, ვინც არ უნდა დამალოს და შეფუთოს ეს სხვანაირად, წინასაარჩევნო შემოთავაზებაა,”– აცხადებს ახალქალაქის, კუმურდოსა და კარს მიტროპოლიტი, მეუფე ნიკოლოზი “ოცნების” შეთავაზებაზე, მართლმადიდებლობის სახელმწიფო რელიგიად გამოცხადებასთან დაკავშირებით.
“ორი აზრი არ არის, ვინც არ უნდა დამალოს და შეფუთოს ეს სხვანაირად, წინასაარჩევნო შემოთავაზებაა, ორი აზრი არ არის… მოსყიდვის არა, ცოტა უფრო კეთილად რომ ვილაპარაკოთ, ეს არის წინასაარჩევნო პროგრამა…ჩვენ ამაზე ვიმსჯელეთ, გავიარეთ კონსულტაციები იურისტებთან, რას უნდა ნიშნავდეს ეს. ამის შესახებ იყო საუბარი და ეს აზრი არ იყო მისაღები. და როდესაც სახელმწიფოს განვუმარტეთ ჩვენი პოზიცია, სახელმწიფოც დაგვეთანხმა ამაში. სახელმწიფოს რომ ვამბობ, ხელისუფლებას ვგულისხმობ. “- ამბობს მიტროპოლიტი ნიკოლოზი.
შეგახსენებთ, რამდენიმე დრის წინ გავრცელდა ინფორმაცია, რომ “ქართული ოცნება” საპატრიარქოსთან კონსულტაციებს გადის მართლმადიდებლობის სახელმწიფო რელიგიად გამოცხადების შესახებ.
შეხვედრა გაიმართა დღესაც. შეხვედრის დასრულებამდე დატოვა ფოთისა და ხობის მიტროპოლიტმა მეუფე გრიგოლმა, რომელიც “ოცნების” ინიციატივას მხარს არ უჭერს და ამბობს, რომ გადაწყვეტილება ნაჩქარევად არ უნდა იქნას მიღებული. მისივე თქმით, იგივე პოზიციაზეა პატრიარქიც.