გურჯაანის მუნიციპალიტეტში ცოფის შემთხვევები დაფიქსირდა.
სოფელ მელაანში ძაღლმა მცირეწლოვანი ბავშვი დაკაწრა, 10 დღის შემდეგ ცხოველი ოჯახისთვის საეჭვო მდგომარეობაში დაიღუპა, რის გამოც ადგილობრივები სურსათის ეროვნულ სააგენტოს დაუკავშირდნენ. ოჯახის ყველა წევრი, ვისაც დაავადებულ ძაღლთან ჰქონდა შეხება, აიცრა.
მელაანიდან და მიმდებარე სოფელ ჩალაუბნიდან მიუსაფარი ძაღლები ინტერმუნიციპალურ სააგენტოში გადაიყვანეს. თავშესაფარში 90 ძაღლი მოათავსეს, საიდანაც 14 დაიღუპა, თავშესაფარში კარანტინია გამოცხადებული. დამუშავდა საეჭვო ტერიტორიები, ჩატარდა სადეზინფექციო სამუშაოები.
ამ დასახლებებში ცრიან ყველა ადამიანს, ვისაც ბოლო დღეებში შინაურ ცხოველებთან ჰქონდა კონტაქტი.