“შოკირებული და დამწუხრებული ვარ… ღმერთიც თითებზე დასათვლელ პატიოსნებს მუსრს ავლებს”– დეკანოზი ემოციურ პოსტს ავრცელებს

დეკანოზი ილია ჭიღლაძე სოციალურ ქსელში 30 წლის მამა თეიმურაზ ქორიძის გარდაცვალებას ემოციური პოსტით ეხმიანება.

“შოკირებული და დამწუხრებული ვარ, დღეს 30 წლის ასაკში მოულოდნელად გარდაიცვალა საგარეჯოს მღვდელი თეიმურაზ ქორიძე, არადა შარშან სიკვდილს დაუძვრა ხელიდან. არ შევცდები თუ ვიტყვი, საქართველოს ეკლესიის ყველაზე პატიოსანი და ღრმადმორწმუნე ახალგაზრდა მღვდელი იყო, იმდენად პატიოსანი, წმინდა სულისა და მიამიტი ზედოზირებულად, რომ ყველაფერთან ერთად უსიტყვოდ სჯეროდა ამ გახრწნილი იერარქიისა და წაბილწული ეკლესიისა და უშურველი მორჩილებით ემსახურებოდა. არადა ამ ორიოდე თვის წინ ამის გამო ამ სივრცეში კიდეც შემომელანძღა, თუმცა მოთმინებით მიიღო და ფრენდლისტიდანაც კი არ ამომშალა, ეს იმ დროს, როცა ზოგი მღვდელი თვით შიშის გამო მშლის ფრენდლისტიდან, რომ თავისმა ეპისკოპოსმა ან საპატრიარქოს მაღალჩინოსნებმა ცერად

არ შეხედონ ამ “ფეისბუკმეგობრობას” და საყვედურებს გადარჩეს… საკვირველია, რომ ეს დალოცვილი ღმერთიც თითებზე დასათვლელ პატიოსნებს მუსრს ავლებს და სარეველას ამრავლებს და აცოცხლებს 100 წელი”– წერს დეკანოზი.