ოლიმპიურ ვიცე-ჩემპიონ გივი მაჭარაშვილს ბინა აჩუქეს. ამის შესახებ ინფორმაციას Sport შოუ აქვეყნებს.
“ბინა ბათუმში სპონსორისგან! ვულოცავთ გივის, ნამდვილად იმსახურებს!” – წერს გვერდი.
საქართველომ პარიზის ოლიმპიადაზე 7 მედალი მოიპოვა, საიდანაც 3 ოქროსი იყო. საქართველოს ოლიმპიურმა დელეგაციამ მედლების საერთო ჩათვლაში პარიზის 2024 წლის ზაფხულის თამაშები 24-ე ადგილზე დაასრულა.
პარიზის ოლიმპიადა ჩვენი ქვეყნისთვის დამოუკიდებლობის ისტორიაში ყველაზე წარმატებული გამოდგა. საქართველომ სამი ოქროს, სამი ვერცხლისა და ერთი ბრინჯაოს მედალი დაიმსახურა.
ძიუდო – ლაშა ბექაური (ოქრო), ტატო გრიგალაშვილი, ილია სულამანიძე (ვერცხლი)
ძალოსნობა – ლაშა ტალახაძე (ოქრო)
თავისუფალი ჭიდაობა – გენო პეტრიაშვილი (ოქრო), გივი მაჭარაშვილი (ვერცხლი)
კრივი – ლაშა გურული (ბრინჯაო)
საქართველომ ისეთ ქვეყნებს აჯობა სიაში. როგორებიც არიან : ბელგია, სერბეთი, ჩეხეთი, ხორვატია, დანია, აზერბაიჯანი, სლოვენია, ისრაელი, პოლონეთი, საბერძნეთი, პორტუგალია, არგენტინა, სოხმეთი, მექსიკა, ინდოეთი და სხვა.