ხვიჩა კვარაცხელიამ და „ნაპოლიმ“ სეზონი სერია B-ს წარმომადგენელ „მოდენასთან“ რთული სათასო მატჩით გახსნეს. შეხვედრა ნეაპოლელებმა პენალტების სერიაში მოიგეს.
გადამწყვეტი დარტყმა ხვიჩა კვარაცხელიამ შეასრულა, რომელიც გასულ სეზონში, გაფუჭებული თერთმეტმეტრიანების შემდეგ, პენალტებს აღარ არტყამდა. ამჯერად კი მიზანს მიაღწია და გუნდი 1/16-ფინალში გაიყვანა.
ხვიჩა კვარაცხელია კოპა იტალიის გასული თამაშის სიმბოლურ გუნდში მოხვდა და ყველაზე მაღალი შეფასება მიიღო.
