საჩხერეში 18 წლის ბიჭი მოკლეს. მკვლელობა ურთიერთშელაპარაკების ნიადაგზე მოხდა. განზრახ მკვლელობის ფაქტზე გამოძიება სისხლის სამართლის კოდექსის 108-ე მუხლით მიმდინარეობს. დანაშაული 10-დან 15 წლამდე ვადით თავისუფლების აღკვეთას ითვალისწინებს.
მოკლული ახალგაზრდა გიორგი მაისურაძეა. მან გორისის საჯარო სკოლა გასულ წელს დაამთავრა.
“ვუთანაგრძნობთ ოჯახს და გამოვთქვამთ უდიდეს მწუხარებას გიორგის გარდაცვალების გამო. ეს არის მოუშუშებელი ტკივილი მისი მშობლიური სკოლისა და ყველა ახლობელი ადამიანისთვის, ვინც ერთჯერ მაინც შეხვედრია მის მომღიმარ და სიყვარულით სავსე თვალებს.
ის მართლაც იყო გამორჩეულად პოზიტიური, ზრდილობიანი, თავმდაბალი და კეთილი…”