ონში მომხდარ ავტოსაგზაო შემთხვეას სამი ახალგაზრდის სიცოცხლე ემსხვერპლა. საბედისწერო შემთხვევა გუშინ სოფელ ხიდეშლებთან, კერძოდ ბოდოურას ხეობასთან მოხდა. ავტომანქანა, სადაც 5 ადამიანი იჯდა, ხიდიდან მდინარეში გადავარდა და ადგილზე დაიღუპა სამი ახალგაზრდა, ორი კი კლინიკაშია გადაყვანილი. დაღუპულებიდან ერთი ლუკა ჯიქურაძეა, მეორე ჯიმშერ გრიგოლია, მესამე კი ლევან ბაკურაძეა.
შინაგან საქმეთა სამინისტროში მომხდარზე გამოძიება 276-ე მუხლის მეექვსე ნაწილით დაიწყო, რაც მოძრაობის უსაფრთხოების და ექსპლუატაციის წესების დარღვევას გულისხმობს, რამაც ადამიანის სიცოცხლის მოსპობა გამოიწვია.
არსებული ინფორმაციით, დაღუპული ახალგაზრდები რაჭაში თბილისიდან იყვნენ ჩასულები. ბიჭები ერთმანეთის მეგობრები და უბნელები არიან.