ასტროლოგიაში პლუტონი ქვეცნობიერების, გარდაქმნების, ღრმა ანალიზის პლანეტაა, რომელიც მთელი ძალით ებრძვის ყველაფერს, რაც მოძველებული და უსარგებლოა. ამიტომაც, ხშირად პლუტონის ენერგიას წყლის ძლიერ ნაკადს ამსგავსებენ, რომელიც გზაზე არსებულ ნებისმიერ დაბრკოლებას წალეკავს.
ასტროლოგები გირჩევენ, რომ აგვისტოში, ქვემოთ ჩამოთვლილი ორი თარიღისათვის მნიშვნელოვანი არაფერი დაგეგმოთ, რადგანაც პლუტონის ენერგიის გავლენით, შესაძლოა, თქვენი გეგმები თავდაყირა დადგეს:
ახალი მთვარე ლომის ნიშანში
2024 წლის 4 აგვისტოს ლომის ნიშანში ახალი მთვარე გველოდება. თუმცა, 3 აგვისტოს მთვარე მერწყულის თანავარსკვლავედში პლუტონთან საპირისპირო მხარეს იქნება. ეს არის ასპექტი, როდესაც ორ ციურ სხეულს შორის 180-გრადუსიანი კუთხე იქმნება, რაც ასტროლოგიაში, დაძაბულ ასპექტად ითვლება და კონფლიქტებისა და დაპირისპირებების რისკი იზრდება. ამავდროულად, ადამიანები ენერგიის ნაკლებობასაც უჩივიან. ლომის ნიშანში ახალი მთვარე ყველაზე მშვიდი ხალხისთვისაც კი ემოციურ არასტაბილურობასა და მომატებულ შფოთვას გამოიწვევს. პლანეტა პლუტონი ამ გავლენას კიდევ უფრო მეტად აძლიერებს და აღნიშნულ პერიოდში მნიშვნელოვანი საქმეების, მოლაპარაკებების დაგეგმვა უკიდურესად სარისკოა.
სავსე მთვარე მერწყულის ნიშანში
2024 წლის 19 აგვისტოს მერწყულის ნიშანში სავსე მთვარე გველოდება. ამავდროულად, მერწყული ლომის საპირისპირო მხარეს იქნება. მერწყულისა და ლომის ოპოზიცია ერთ-ერთი ყველაზე რთული ასპექტია წონასწორობის პოვნისა და შენარჩუნების თვალსაზრისით.