საქართველოს ეროვნული ნაკრების კარის დარაჯს, გიორგი მამარდაშვილს გასაოცარი ევროპის ჩემპიონატისთვის “ბეთლაივმა” ულამაზესი მანქანა აჩუქეს.
“ჯვაროსნებმა” ევროპის ჩემპიონატზე ისტორიაში პირველად იასპარეზეს და შეიძლება ითქვას, რომ ერთ-ერთ ყველაზე კონკურენტუნარიან ჯგუფში თავბრუდამხვევად ითამაშეს, რის შემდეგაც, პლეი-ოფის საგზური მოიპოვეს.
სადებიუტო და ისტორიულ ევროპის ჩემპიონატზე მოპოვებული წარმატების ერთ-ერთი მთავარი გმირი კი სწორედ გიორგი მამარდაშვილი გახდა, რომელმაც მოგერიებული ბურთების რაოდენობით კონკურენტები დაჩრდილა და მსოფლიოს სპორტული მედია აალაპარაკა. ახალგაზრდული ასაკის მიუხედავად, გიორგი მამარდაშვილი “ვალენსიასა“ და საქართველოს ეროვნული საფეხბურთო ნაკრების ლიდერად ჩამოყალიბდა. ამ ყველაფერს ის ფენომენალური სტატისტიკაც ამყარებს, რომელიც მამარდაშვილმა ევროპის ჩემპიონატზე დააფიქსირა, თუმცა გვჯერა, მთავარი გამარჯვება წინაა.
