საქართველოს ნაკრების ნახევარმცველმა ნიკა კვეკვესკირმა შესაძლოა, ლეხი დატოვოს.
როგორც ჟურნალისტი დავიდ დობრაში იტყობინება, 32 წლის ფეხბურთელთან და მის აგენტთან ამჟამად მიმდინარეობს მოლაპარაკებები კონტრაქტის გაწყვეტის თაობაზე, რომელიც მას ლეხთან 2025 წლის 30 ივნისამდე აკავშირებს.
პოზნანური კლუბის მთავარ მწვრთნელად დანიელი ნილს ფრედერიკსენი დაინიშნა, რომლის გეგმებში, როგორც პოლონური მედია წერს, კვეკვე არ შედის. ამიტომაც, მხარეები თანამშრომლობის დასრულებაზე მუშაობენ. სხვა დეტალები ამ ეტაპზე უცნობია.
ნიკა კვეკვესკირი ლეხში 2021 წლის იანვარში გადავიდა, მას შემდეგ მან 123 მატჩში 6 გოლი გაიტანა და 7 საგოლე პასი მიითვალა. გამოცდილი ნახევარმცველი ევროპის ჩემპიონატზე იყო საქართველოს ნაკრების რიგებში, თუმცა მხოლოდ 12 წუთი ითამაშა, ესპანეთის წინააღმდეგ. საქართველოს ნაკრებში ნიკას 61-ჯერ უთამაშია, ხოლო საკლუბო კარიერაში ლეხის გარდა, ზუგდიდის ბაიას, დინამო თბილისის, ცხინვალის, გორის დილას, ბაქოს ინტერის, გაბალას და ტობოლის ღირსებას იცავდა.