🎥 “გულწრფელად გითხრა? ნიაზის კონცერტზე წავალო” – რა პროვოკაციული შეკითხვა დაუსვა ლელა წურწუმიამ შვილს და რა პასუხი მიიღო მომღერალმა მარიკოსგან?

ლელა წურწუმიას გადაცემას “მხოლოდ ლელასთან“ გასულ ეპიზოდს მამა-შვილი, რატი და დაჩი ამაღლობლები სტუმრობდნენ.

მამა-შვილის ურთიერთობასა და პროფესიებზე საუბრის დროს, ლელა წურწუმიამ საკუთარ შვილთან, მარიკო მამულაშვილთან დაკავშირებული ერთი ეპიზოდი გაიხსენა და სახალისო ამბავი მოყვა:

“ჩემი შვილი ჩემს კონცერტებზე არ დადიოდა, ახლა დაიწყო სიარული, განსაკუთრებულად უყვარს ნიაზ დიასამიძე და მისი შემოქმედება.

მარიკოს ცოტა ხნის წინ ვკითხე: „დედა, წარმოიდგინე მე და ნიაზს გვაქვს სოლო კონცერტები და მინდა, რომ ჩემს კონცერტზე იყო-მეთქი“, თავიდან მიპასუხა: “ჯერ ნიაზის კონცერტზე წავალ, შემდეგ შენთან მოვალო“. რომ ვკითხე, წარმოიდგინე, რომ ერთსა და იმავე დროს, სხვადასხვა ლოკაციაზე გვაქვს კონცერტები-მეთქი, მიპასუხა – “გულწრფელად გითხრა? ნიაზის კონცერტზე წავალო“.