საქართველეროვნული ნაკრების მეკარის გიორგი მამარდაშვილი და მისი მეუღლე ელენე ეპიტაშვილი შვილს ელოდება.
მათ სქესის გაგების ცერემონიაც გამართეს, რომლის კადრებმაც ინტერნეტსივრცე მოიცვა.
ღონისძიებაზე ჩვენი ყურადღება მიიპყრო ელენე ეპიტაშვილის თეთრი კაბის ელეგანტურმა სილუეტმა და ნატიფმა დეტალებმა. როგორც მოგვიანებით გაირკვა, კაბის დიზაინი ლალიკო ძამაშვილის შექმნილია.
„ფეხბურთის გულშემატკივარი არასდროს ვყოფილვარ, თუმცა ეროვნული ნაკრების ფეხბურთელების შემართებამ და დიდმა წარმატებამ მეც ამიყოლია, ისევე, როგორც მთელი ჩვენი საზოგადოება. ამ ყველაფერს ფონად დაყვებოდა პირობები, რომელსაც მოგების შემთხვევაში შეასრულებდნენ როგორც ფეხბურთელები, ისე ჩვენი უბრალო მოქალაქეებიც. მეც ჩემს წრეში გამოვაცხადე ჩემი პირობა. ხომ სულ გვესმოდა მამარდაშვილი… მამარდაშვილი… ელენე ჩემი შვილის ბავშვობის მეგობარია, ჩემს თვალწინ გაზრდილი გოგონა. ველოდებოდი როდის ექნებოდათ ქორწილი, რომ მის კაბაზე მეზრუნა. სანამ ბავშვის სქესის გაგების ცერემონია ჩატარდებოდა წინა დღეს ელენეს მეგობარმა დამირეკა და ამ ღონისძიების შესახებ მომიყვა. სწორედ მაშინ დავუკავშირდი ელენეს და კაბის შეკერვა შევთავაზე. სრულიად უანგარო ნაბიჯი იყო, რომელიც დიდი სიყვარულით და ამ საერთო სიხარულის ფონზე გადავდგი. მინდოდა, მისთვის ემოციური საჩუქარი გამეკეთებინა. საკუთარ თავთანაც მართალი ვიქნებოდი, რომ პირობა შევასრულე. ამისრულდა ჩემი ჩანაფიქრიც… მეორე დღეს მოვიდა ელენე და დავიწყეთ კაბაზე მუშაობა.
კაბა უნდა ყოფილიყო კომფორტული, მოკლე, მოკრძალებული, მაგრამ მრავლისმთქმელი. შეჩერდნენ უტრირებულ თეძოებზე. ამ გადაწყვეტით ნაკლები აქცენტი გაკეთდა მკერდზე. გამოვიდა სხეულზე მომდგარი კორსეტი წინ მოჭრილი ხაზით. გამჭვირვალე კორსეტთან მკაცრი ხაზები და მიმაგრებული ყვავილები ულამაზეს გადაწყვეტილებად იქცა. ყვავილები ქსოვილებიდან ამოიღეს. როცა კაბა დასრულდა, მისი ცქერა ერთი სიამოვნება იყო“, – ამბობს დიზაინერი.