ხანძარი თბილისში – არსებული ინფორმაციით, ცეცხლი მთაწმინდაზე, ოქროყანის გზისკენ გაჩნდა. ადგილზე შინაგან საქმეთა სამინისტროს საგანგებო სიტუაციების მართვის სამსახურის მეხანძრე-მაშველები მუშაობენ. სალიკვიდაციო სამუშაოებში ჩართულია ვერტმფრენიც.
ჯერ-ჯერობით უცნობია რა გახდა ხანძრის გამომწვევი მიზეზი. საგანგებო სიტუაციების მართვის სამსახურში აცხადებენ, რომ ცეცხლი ბუჩქებსა და ბალახებს გაუჩნდა.
მათივე ინფორმაციით, ცეცხლის სხვა ტერიტორიაზე გავრცელების საფრთხე არ არსებობს. ადგილზე მეხანძრე-მაშველები მუშაობენ და სალიკვიდაციო სამუშაოები მიმდინარეობს. ვიდეომასალა ექსკლუზიურად “მეტრონომმა” მოიპოვა და ჩვენ ამ წუთებში მეტი დეტალის გარკვევას ვცდილობთ. მასალა განახლებადია.