საქართველოს ნაკრების 38 წლის მეკარე გიორგი ლორია კვიპროსის კლუბ Omonia Aradippou-ში ითამაშებს. კვიპროსულმა კლუბმა ინფორმაცია დაადასტურა. ნაკრების ფეხბურთელი აქამდე თბილისის დინამოში თამაშობდა.
“ომონია” მოხარულია გაცნობოთ, რომ საქართველოს ნაკრების გამოცდილ მეკარესთან კონტრაქტი გავაფორმეთ. ჩვენ გიორგის “ომონიას” ოჯახში მივესალმებით და მომავალ სეზონში ჩვენი კლუბის ფერების დასაცავად წარმატებებს ვუსურვებთ”, – ვკითხულობთ კლუბის ოფიციალურ გვერდზე.
გიორგი ლორია 2019-2023 წლებში კვიპროსის “ანორთოსისის” ღირსებას იცავდა. მას საქართველოს ეროვნულ გუნდში 77 მატჩი აქვს ჩატარებული.