საქართველოს საფეხბურთო ნაკრები თბილისში დაბრუნდა. ფეხბურთელები ამ წუთებში სპეციალური ავტობუსით ტოვებენ ტერიტორიას, რომელსაც მოქალაქეები აცილებენ.
ცნობისთვის, 21:30 საათზე, ეროვნული გუნდის ავტობუსის მსვლელობა დაიწყება. ავტობუსი იმოძრავებს ჭავჭავაძის, მელიქიშვილის და რუსთაველის გამზირის მიმართულებით, საბოლოო დანიშნულების ადგილი კი თავისუფლების მოედანი იქნება. ეროვნული გუნდის წევრებთან შეხვედრის ცერემონია თავისუფლების მოედანზე 22:00 საათზე დაიწყება.