დიდი მსვლელობა ეროვნული ნაკრების მხარდასაჭერად – გელზენკირხენში ქართველების ნაკადი არ წყდება. ქალაქში, სადაც საქართველოსთვის ისტორიული მატჩი რამდენიმე საათში იწყება, ქართველი ქომაგები მთელი მსოფლიოდან ჩავიდნენ.
საქართველოს დროშებით, შეძახილებით და ეროვნული ნაკრების მაისურებით ათასობით ადამიანი მთავარ მოედანზეა შეკრებილი, საიდანაც ცოტა ხანში მსვლელობა იმ სტადიონისკენ დაიწყება, სადაც ზუსტად 23 საათზე საქართველო-პორტუგალიის მატჩი გაიმართება.
გულშემატკივრები პოზიტიური შემართებით არიან და ფიქრობენ, რომ ქართველი ფეხბურთელები შეუძლებელს შეძლებენ და დღევანდელ გადამწყვეტ თამაშს მოიგებენ.
ყველაფერში რომ საუკეთესოები ვართ, ეგ არის ზუსტად. აუცილებლად უნდა მოვიგოთ და ვითამაშოთ პლეიოფში. ქოჩორაშვილი შემადგენლობაშია და მისი დიდი იმედი გვაქვს. საფრანგეთიდან ჩამოვედი. როგორც არ უნდა დასრულდეს ეს თამაში, ჩვენმა ბიჭებმა უკვე გვასახელეს და კიდევ ძალიან ბევრჯერ გვასახელებენ. ჩვენ ყოველთვის მოგებულები ვართ”, – ამბობს გულშემატკივარი.