რამდენიმე საათის წინ ცნობილი გახდა, რომ პროფესორ გახელაძის კვალს წერეთლის გამზირზე მიაგნეს. მისი მეუღლის მიერ გავრცელებული ინფორმაციით, გიორგი გახელაძე ამავე ტერიტორიაზე არსებულმა ვიდეოკამერამ დააფიქსირა, თუმცა მოგვიანებით ირმა მალაციძემ დაწერა, რომ პოლიცია კადრებში გახელაძის დაფიქსირების ფაქტს უარყოფს.
“ჟურნალისტებს ვთხოვ, ინფორმაცია გიორგის პოვნასთან დაკავშირებით არ გაავრცელონ. ეს პიროვნება ძალიან ჰგავს, მაგრამ ის არ არის. დღეს წერეთლიდან რამდენიმე ზარი იყო, რომ დაინახეს. სავარაუდოდ, ვიღაც დადის, ვინც ძალიან ჰგავს. იმდენად, რომ მეც კი ამერია.” – წერს პროფესორ გახელაძის მეუღლე.
შეგახსენებთ, რომ პროფესორს თბილისის ქუჩებში უკვე მეოთხე დღეა ეძებენ. ძებნის ოპერაციაში ჩართულები არიან, როგორც შინაგან საქმეთა სამინისტროს წარმომადგენლები, ასევე მოხალისეები.