მეორე დღეა, რაც თბილისში ილიაუნისა და საპატრიარქოს უნივერსიტეტის პროფესორს, გიორგი გახელაძეს ეძებენ. ამის შესახებ ინფორმაცია მისმა მეუღლემ ირმა მალაციძემ გაავრცელა. ბოლო ცნობებით, ტელეფონი მთელი დღის განმავლობაში ვაკის ტერიტორიაზე, საპატრიარქოს უნივერსიტეტის მიმდებარედ ფიქსირდებოდა.
“ხალხო, ტელეფონი მთელი დღე ფიქსირდებოდა ვაკეში, უნივერსიტეტის მიმდებარედ. პოლიციაც მაგ ტერიტორიაზე ეძებს. იქნებ ეგ ადგილები ვნახოთ. აღარ ვიცი უკვე. საუბარია საპატრიარქოს უნივერსიტეტზე, ბაგებში.” – ვკითხულობთ გავრცელებულ ინფორმაციაში.
“ვერ ვპოულობთ! იმედი დავკარგე უკვე! არ ვიცი, ვის ვთხოვო შველა!” – წერს სოციალურ ქსელში ირმა მალაციძე.
სამძებრო საქმიანობაში სამართალდამცველებიც ჩაერთნენ, თუმცა აქამდე მის შესახებ ოჯახს არანაირი ინფორმაცია არ აქვს. პროფესორს თბილისის ქუჩებში მოხალისეები ეძებენ. პროფესორის ოჯახი და მეგობრები აზოგადოებას დახმარებას სთხოვენ.