მეორე დღეა, რაც თბილისში ილიაუნისა და საპატრიარქოს უნივერსიტეტის პროფესორს გიორგი გახელაძეს ეძებენ. ამის შესახებ ინფორმაცია მისმა მეუღლემ ირმა მალაციძემ გაავრცელა.
სამძებრო საქმიანობაში სამართალდამცველებიც ჩაერთნენ. ბოლო ინფორმაციით, პროფესორი დიდი დიღმიდან ვაკის მიმართულებით ტრანსპორტით გადაადგილდებოდა, თუმცა დანიშნულების ადგილზე არ მისულა.
როგორც დაკარგული პროფესორის ცოლი ამბობს, მისი მეუღლე შვილზე ძალიან ნერვიულობდა, რომელსაც აუტისტური სპექტრი აქვს, თუმცა ამ მიზეზით სუიციდის მცდელობას გამორიცხავს.
“პოლიციამ დამიბარა, ვაკე-საბურთალოს განყოფილებამ, გასაუბრება უნდათ, რა დამხვდება არ ვიცი, გზაში ვარ, გუშინ უნივერსიტეტში წავიდა 12-ის ნახევარზე… სუიციდს გამოვრიცხავ, გაწონასწორებული, მშვიდი და წესიერი ადამიანია… 3 შვილი გვყავს, არაჩვეულებრივი ქმარია, 26 წლის მანძილზე არ მახსოვს დაეგვიანოს და მე არ მცოდნოდა სად იყო… ან უბედური შემთხვევაა ან ჯანმრთელობის პრობლემა, სხვა ვარიანტს გამოვრიცხავ” – ამბობს ირმა მალაციძე ჟურნალისტთან საუბრის დროს.
წყარო: palitravideo.ge