დღეს ეროვნული ნაკრებისთვის ისტორიული დღეა. ევროპის ჩემპიონატზე პირველ თამაშს თურქეთთან გამართავს.
საქართველოში პატარა გულშემატკივრებს სჯერათ, რომ მეკარე გიორგი მამარდაშვილი ბევრჯერ გადაარჩენს კარს და კვარაცხელია და ზივზივაძე გოლს აუცილებლად გაიტანენ.
“დიდი იმედი მაქვს, რომ ბევრ გოლს გავუტანთ თურქებს. დარწმუნებული ვარ, მამარდაშვილი ბევრჯერ გადაგვარჩენს. მინდა რომ კვარაცხელიამ და ზივზივაძემ გაიტანოს, მამარდაშვილმა ბევრჯერ გადაგვარჩინოს და ისევ 8:1 მოვიგოთ. წარმატებები ჩვენს ნაკრებს”, – ამბობენ პატარა გულშემატკივრები.
დღეს ქართული ფეხბურთისთვის ისტორიული თარიღია. დორტმუნდი ქართველი ქომაგებით არის სავსე და თითქმის ყველა ქუჩაზე ქართული შეძახილები ისმის. თამაშის ყურება საქართველოს ყველა დიდ ქალაქში დიდ ეკრანებზე იქნება შესაძლებელი. დედალაქში მიხეილ მესხის სტადიონის კარი გულშემატკივრებისთვის უკვე გაიხსნა.