გეოლოგი თეა გოდოლაძე წიწამურთან მდებარე მაგისტრალურ წყალსადენზე შექმნილ ვითარებაზე “ტვ პირველთან” საუბრობს და ამბობს, რომ ხეობასთან ნაყარი გრუნტის მასა შესაძლოა, ნებისმიერ დროს მოძრავ მეწყერად გადაიქცეს.
მისი თქმით, გრუნტის გატანა მარტივი საქმე არაა, რადგან ამას ათასი მანქანა დასჭირდება, რაც 2 დღეში ვერ გაკეთდება.
ფაქტობრივა, დეპოზიტი აქვს გაკეთებული ანუ ნაყარი გრუნტისა ხეობასთან ფერდზე. წარმოიდგინეთ, შექმნილია ხელოვნურად არაკონსოლიდირებული მასა, რომელიც ნებისმიერ დროს შეიძლება თავისუფლად ვთქვათ, მოძრავ მეწყერად გადაიქცეს. ეს არის ტექნოგენური ნაყარი, რომელმაც დააზიანა მილი. 11 ათასი მანქანაა საჭირო, რომ გაიტანოს ეს გრუნტი იქიდან. წარმოიდგინეთ, ეს სამუშაობი იმ მონაკვეთზე მინის აღდგენის შემთხვევაში რამდენ ხანს გასტანს, 11 ათასი მანქანა ერთ კვირაშ შევა და გამოვა?, – ამბობს გოდოლაძე.
სოფელ წიწამურის მიმდებარედ თბილისის წყალმომარაგების სისტემის ერთ-ერთი უმნიშვნელოვანესი ცენტრალური მაგისტრალური წყალსადენი, რომლის საშუალებითაც თბილისისა და ქალაქ მცხეთის მიმართულებით სასმელი წყლის ტრანსპორტირება ხდება, ავარიულად გათიშულია.
დედაქალაქის მოსახლეობის დიდ ნაწილს, წყალი გრაფიკით მიეწოდება.