ჟურნალისტი მერაბ მეტრეველი სოციალურ ქსელში პოსტს აქვეყნებს, რომელსაც უცვლელად გთავაზობთ.
,,არადა, დღეს ისევ ფეხბურთზე მინდოდა პოსტების წერა და რამდენი დავაპირე, იმდენი ნაცემი ზუკა ბერძენიშვილი გამახსენდა…
საქართველოს ნაკრები ისტორიაში პირველად ევროპის ჩემპიონატზე გავიდა და იმის მაგივრად, ყველა ამ ამბით ვცხოვრობდეთ, ხელისუფლება საკუთარ ხალხს ტერორს უწყობს.
არაფერი შეგვარგეს ტიპებმა!”– წერს მერაბ მეტრეველი.
“სირცხვილიას” წევრს, დღეს დილით, სახლთან, თავს დაესხნენ და ფიზიკურად გაუსწორდნენ. აქტივისტების ინფორმაციით, ბერძენიშვილს სამი პირი ზურგიდან მიეპარა და ფიზიკურად გაუსწორდა.
ბერძენიშვილზე თავდასხმის ფაქტზე შინაგან საქმეთა სამინისტრომ გამოძიება დაიწყო. საქმე აღიძრა სისხლის სამართლის კოდექსის 126-ე მუხლის პირველი პრიმა ნაწილით, რაც ჯგუფურად ჩადენილ ძალადობას გულისხმობს.