“ორი დღით ადრე ასეთი რაღაც შევამჩნიეთ…” – რას ჰყვება დედა, რომლის შვილსაც ერთ თვეზე მეტია ეძებენ

25 აპრილის შემდეგ, ოჯახი ახალგაზრდა ბიჭს, თორნიკე დალაქიშვილს ეძებს.

ოჯახის წევრები ამბობენ, რომ დალაქიშვილის გაუჩინარების შესახებ პოლიციამაც იცის, თუმცა მისი პოვნა ამ დრომდე ვერ ხერხდება. დაკარგულის ოჯახი და მეგობრები საზოგადოებას დახმარებას სთხოვენ.

როგორც თორნიკეს დედა ინგა ფერაძე “პალიტრავიდეოსთან” ამბობს, მის შვილს ფინანსური პრობლემები არ ჰქონია, საკუთარი ბიზნესი ჰქონდა. ერთადერთი, რისი თქმაც შეუძლია, თორნიკეს დეპრესიული პერიოდი ჰქონდა ხოლმე, თუმცა სახლიდან არასდროს წასულა.

“ერთადერთი რაც შევამჩნიეთ გასვლამდე 2 დღიტ ადრე, იყო დეპრესიული. ზოგადად უყვარდა განმარტოება, მაგრამ ასე ოჯახი არასოდეს არ დაუტოვებია. სხვა არაფერი განსაკუთრებული, სტაბილური ნერვული სიტუაცია ჰქონდა”– აცხადებს დედა.

ამასთან, დაკარგული თორნიკე დალაქიშვილის და, თეკლა დალაქიშვილი საკუთარ Facebook-გვერდზე პასუხობს შეკითხვებს, რომლებიც სოციალური ქსელის მომხმარებლებს ოჯახის წევრების მიერ ინფორმაციის გავრცელების შემდეგ გაუჩნდათ.