ლონდონის კრისტის აუქციონზე იოანე ზოსიმეს უძველესი ქართული ხელნაწერი, 1 მილიონ გირვანქა სტერლინგად გაიყიდა, ამის შესახებ ინფორმაცია ცოტახნის წინ გავრცელდა.
როგორც სოციალურ ქსელში პრემიერმა იორაკლი კობახიძემ დაწერა, წიგნი ბიძინა ივანიშვილმა შეიძინა და მას საჩუქრად ეროვნულ მუზეუმს გადასცემს.
აუქციონის სახლის ინფორმაციით, ხელნაწერი ქართველმა ბერმა და სწავლულმა იოანე ზოსიმემ 979 წელს ხუცური დამწერლობით შექმნა. ის მარტინ შოენის კოლექციიდან იყიდებოდა.
ის ქრისტიანული პალესტინის არამეულ ენაზე შექმნილი ერთ-ერთი ყველაზე მნიშვნელოვანი ფრაგმენტია. დასავლურ არამეულ დიალექტს მელქის ქრისტიანული საზოგადოება პალესტინასა და ტრანსიორდანიაში მე-5 -მე-13 საუკუნეებში იყენებდა. ის შემონახულია მხოლოდ რამდენიმე წარწერაში, პალიმფსესტსა (ხელნაწერი, რომლის ფურცლები გადარეცხვის შემდეგ ხელახლა არის გამოყენებული საწერ მასალად) და ხელნაწერში. ხელნაწერი შეიცავს სახარებების ყველაზე ადრეულ ტექსტებს არამეულის უახლოეს დიალექტზე – იესოს დიალექტზე.