მთავრობის ადმინისტრაციასთან, რუსული კანონის საწინააღმდეგო აქციის მონაწილეებსა და პოლიციის თანამშრომლებს შორის სიტყვიერი დაპირისპირება მოხდა.
აქტივისტის თქმით, ისინი პოლიციელებს ეუბნებოდნენ, რომ მორალურად გაუმართლებელია ის, როგორც საპოლიციო ძალები აქტივისტების წინააღმდეგ იქცევიან. რა დროსაც, პოლიციის მაღალჩინოსანი, ვაჟა სირაძე აქტივისტთან მივიდა და უთხრა, რომ მსგავსი განცხადებების შემთხვევაში შემდეგ ჯერზე დააკავებდნენ.
ამ დროისთვის ადგილზე ვითარება მშვიდია. აქციის მონაწილეებს ჯერ გადაწყვეტილი არ აქვთ, წავლენ თუ არა მსვლელობით “ქართული ოცნების” ოფისთან.