“ჭერი ჩამოვარდნილია, გაივსო სახლი ტალახით, შლამით” – რას ჰყვებიან სტიქიით დაზარალებულები?

დატბორილი სახლები, წაქცეულია ხეები, დაზიანებულია კომუნიკაციები – თბილისში სტიქიის შედეგებს ითვლიან.

დაზარალებულები სტიქიის ღამეს იხსენებენ და ამბობენ, რომ უხვი ნალექის შედეგად სერიოზული დანაკარგი აქვთ.

ყვებიან, რომ სახლები ნახევრად შლამშია ჩაფლული და თუ კიდევ გაგრძელდება ძლიერი წვიმა, არ გამორიცხავენ რომ სავალალო შედეგი დადგეს.

“ჭერი ჩამოვარდნილია იქიდან, რომ მიწა მოაწვა ზედა ნაწილს. “ჟეშტის” საფარმა ის მიწა შეაჩერა და გამოძვრა კედელსა და „ჟეშტს“ შორის ტალახი და შლამი, რომელიც დაგროვდა ჭერზე და ჩამოხეთქა ქვედა ნაწილ იდა გაივსო სახლი ტალახით, შლამით. 5 წლის განმავლობაში ვაფრთხილებდი მეწყერული მონაკვეთის საშიშროების შესახებ და დადგა ის შედეგი. ეს დადგა უკვე მესამედ და აქედან ორჯერ ჩემი პირადი სახსრებით შევძელი შეკავება, მაგრამ ეს ის შედეგია, რომ ამას ფიზიკურად ჩვენ მოქალაქეები ჩვენი ძალებით ვერ შევძლებთ,” – ამბობს ერთ-ერთი მოქალაქე.

“სულ მთლიანად ჩამოინგრა ჭერი იმ ოჯახში, გიფსოკარდონები ჩამოინგრა. ახლა მაგარი წვიმა რომ იყო ჩაიტანა მთლიანად, მაგარი წვიმა რომ მოვიდეს, ჩაიტანს.” – ამბობს ერთ-ერთი მოქალაქე.

“ნახევრად ეს სახლიც ჩაფლულია და მთლიანი ჭერი ჩავარდა. ამ გზაზე დადის 100 ადამიანი და გზა ფაქტობრივად არ გვაქვს, მერიის მხრიდან იყო, რომ ფინანსები არ გვაქვს ჯერო,” – ამბობს ერთ-ერთი მოქალაქე.