სამხრეთ-დასავლეთ ისლანდიაში ვულკანი ამოიფრქვა. ისლანდიის მეტეოროლოგიური სამსახურის ცნობით, ლავა ჰაერში 50 მეტრს აღწევდა.
“მეცნიერთა პირველი შეფასება არის ის, რომ ამ ამოფრქვევის დასაწყისი უფრო ძლიერია, ვიდრე წინა ამოფრქვევებში,” – განაცხადეს ისლანდიის მეტეოროლოგიურ სამსახურში.
ხელისუფლებამ, ვულკანური აქტივობის საფრთხის გამო, დედაქალაქ რეიკიავიკის სამხრეთით ევაკუაცია გამოაცხადა.
შეგახსენებთ, რომ ისლანდიაში, დეკემბრის შემდეგ, ვულკანი უკვე მეხუთედ ამოიფრქვა.