რუსული კანონის საწინააღმდეგო აქციის მონაწილეების ნაწილმა მსვლელობით პრეზიდენტის ადმინისტრაციისთან გადაინაცვლა.
“მადლობა” – ამ სიტყვას სკანდირებენ აქციის მონაწილეები ათონელის რეზიდენციასთან.
საპროტესტო მსვლელობით ისინი პარლამენტიდან ათონელის სასახლესთან ცოტა ხნისწინ მივიდნენ.
აქციის მონაწილეები ახლა “ქართული ოცნების” ოფისისკენ მიდიან.
შეგახსენებთ, “ქართულმა ოცნებამ” რუსულ კანონზე პრეზიდენტის ვეტო დაძლია. ამის შემდეგ რუსული კანონის თავდაპირველ ვერსიას ეყარა კენჭი, რომელსაც მხარი 84-მა დეპუტატმა დაუჭირა, წინააღმდეგი კი 4 მათგანი წავიდა.
რუსული კანონის მიღებას საზოგადოების დიდი ნაწილი რუსთაველის გამზირზე აპროტესტებს. მოქალაქეები ხელისუფლებისგან კანონის გაუქმებას მითხოვენ და აცხადებენ, რომ ისინი არ აპირებენ უკან დახევას.