“84 შულავერელი თუ 84 ორჯონიკიძე ვერ შეცვლის ამ ქვეყნის მომავალს, ეს მომავალი ჩვენია”– ამ სიტყვებით მიმართა პრეზიდენტმა სალომე ზურაბიშვილმა რუსთაველის გამზირზე შეკრებილ აქციის მონაწილეებს.
ამასთან პრეზიდენტმა რეფერენდუმი დააანონსა. მისი თქმით, “84 დეპუტატი ვერ გადაწყვეტს, წავალთ ევროპისკენ,თუ ვიქნებით რუსეთის მონები”.
“ამათმა ხომ დააჭირეს ღილაკს თითი და თავიანთი სახელი ისტორიის ერთ გვერდზე ჩაწერეს. გეტყვით, ჩვენ რაუნდა გავაკეთოთ. ჩვენ ახლა ყველაფერი უნდა გავაკეთოთ იმისთვს, რომ 26 ოქტომვრისთვის მოვემზადოთ.
დღეს გაბრაზებულები ხართ დღეს ხომ?! გაბრაზდით. უნდა მოვამზადოთ ნამდვილი რეფერენდუმი. 84 დეპუტატი ვერ გადაწყვეტს, წავალთ ევროპისკენ, თუ ვიქნებით რუსეთის მონები…
უნდა მოვამზადოთ, პირველ რიგში, ნამდვილი რეფერენდუმი. ანუ, ეს ენერგია, რაც დღეს თქვენში არის, უნდა იმაზე მოხმარდეს, რომ ხელმოწერები მოაგროვოთ და მოიტანოთ ჩემთან და მოვაწერ ხელს, რეფერენდუმზე. გვინდა ევროპული მომავალი, თუ გვინდა რუსული მონობა. 84 კაცი ამას ვერ გადაწყვეტს, ჩვენ გადავწყვეტთ, ყველანი ერთად. 84 კაცი არავინ არ არის იმასთან შედარებით, თუ დღეს ვინც ხართ აქ. ახალი საქართველო, მომავლის საქართველო”, – ამბობს სალომე ზურაბიშვილი”– განაცხადა პრეზიდენტმა.
შეგახსენებთ, “ქართულმა ოცნებამ” რუსულ კანონზე პრეზიდენტის ვეტო დაძლია. ამის შემდეგ რუსული კანონის თავდაპირველ ვერსიას ეყარა კენჭი, რომელსაც მხარი 84-მა დეპუტატმა დაუჭირა, წინააღმდეგი კი 4 მათგანი წავიდა.
რუსული კანონის მიღებას საზოგადოების დიდი ნაწილი რუსთაველის გამზირზე აპროტესტებს. მოქალაქეები ხელისუფლებისგან კანონის გაუქმებას მითხოვენ და აცხადებენ, რომ ისინი არ აპირებენ უკან დახევას.