პრემიერი კობახიძე რუსული კანონის მიმღებ დეპუტატებს მადლობას უხდის და მათ “ეროვნული ინტერესების დამცველებს” უწოდებს.
კობახიძის თქმით, რუსული კანონი “დეპოლარიზაციისკენ გადადგმული ნაბიჯია” და რომ ის უზრუნველყოფს “ქვეყნის დამშვიდებასა და სტაბილურობას”.
კობახიძის მტკიცებითვე, საქართველოს პარლამენტმა “ხალხის ნებით” იმოქმედა.
“მინდა მადლობა გადავუხადო პარლამენტის თითოეულ წევრს, რომლებმაც მხარი დაუჭირეს კანონს უცხოური გავლენის გამჭვირვალობის შესახებ და ამით უერთგულა საქართველოს ეროვნულ ინტერესებს, მის დამოუკიდებლობას და სუვერენიტეტს”– თქვა კობახიძემ ბრიფინგზე.
მოსალოდნელ სანქციებზე გაფრთხილებებს კი “შანტაჟს” უწოდებს და ამბობს, რომ ეს “კონტრპროდუქტიულია”.
შეგახსენებთ, “ქართულმა ოცნებამ” რუსულ კანონზე პრეზიდენტის ვეტო დაძლია. ამის შემდეგ რუსული კანონის თავდაპირველ ვერსიას ეყარა კენჭი, რომელსაც მხარი 84-მა დეპუტატმა დაუჭირა, წინააღმდეგი კი 4 მათგანი წავიდა.