ესტონეთის, ლატვიის, ლიეტუვის, პოლონეთის, ნიდერლანდების, საფრანგეთისა და ჩეხეთის სპიკერები ერტობლივ წერილს ავრცელებენ, რომელიც პარლამენტის თავმჯდომარეს, შალვა პაპუაშვილს მისწერეს.
პარტნიორები პარლამეტის თავმჯდომარეს მიმართავენ, უკან გაიწვიონ “უცხოური გავლენის გამჭვირვალობის შესახებ” კანონი, რათა მათი თქმით, ეს ეწინააღმდეგება იმ ღირებულებებსა და პრინციპებს, რომლებიც ევროპული მისწრაფებების საფუძველია.
“ჩვენ, შვიდი ევროპული ქვეყნის სპიკერები მოვუწოდებთ საქართველოს, დარჩეს EU-ის გზაზე. მოვუწოდებთ საქართველოს პარლამენტს, გაიწვიოს კანონი “უცხოური გავლენის გამჭვირვალობის” შესახებ,” – წერს ლიეტუვის სეიმის სპიკერი, ვიქტორია ჩმილიტე და წერილს ასაჯაროებს:
“საქართველოს ბოლოდროინდელი გადაწყვეტილებები ჩვენთვის შემაშფოთებელია, რადგან თქვენი ქმედებები ეწინააღმდეგება იმ ღირებულებებსა და პრინციპებს, რომლებითაც ვალდებული ხართ იხელმძღვანელოთ და რომლებიც თქვენი ევროპული მისწრაფებების საფუძველია.
საქართველოს პარლამენტის მიერ მიღებული “უცხოური გავლენის გამჭვირვალობის შესახებ” კანონპროექტის სული და შინაარსი შეუთავსებელია ევროპულ ნორმებსა და ღირებულებებთან. არსებული კანონი ცდილობს გააჩუმოს მედია და სამოქალაქო საზოგადოების ორგანიზაციები, რომლებიც მნიშვნელოვან როლს ასრულებენ დემოკრატიულ საზოგადოებაში და ხელს უწყობენ საქართველოს ევროკავშირისკენ მიმავალ გზაზე დასახმარებლად.
მოგიწოდებთ, გააუქმოთ ეს კანონი და ჩაერთოთ შინაარსობრივ და ინკლუზიურ დიალოგში ორგანიზებულ სამოქალაქო საზოგადოებასა და მოქალაქეებთან. ასევე მოგიწოდებთ, პატივი სცეთ ფუნდამენტურ ღირებულებებს ხალხის შეკრების უფლების დაცვით და შეწყვიტოთ ძალადობა და დაშინება მშვიდობიანი დემონსტრანტების მიმართ,” – წერია წერილში.