სტიქია მარნეულში – ვერტმფრენის საშუალებით გადაარჩინეს მოქალაქეები, რომლებიც შუა მდინარეში, კერძოდ, ერთ-ერთი რესტორნის აივანზე იმყოფებოდნენ. შემთხვევას მსხვერპლი არ მოჰყოლია. სამაშველო ჯგუფებმა ყველა ადამიანის გადარჩენა და მათი სამშვიდობო ტერიტორიაზე გადაყვანა შეძლეს.
შეგახსენებთ, რომ დღეს დღის საათებში მდინარე ალგეთი ადიდდა და ქუჩები დატბორა. აღნიშნულის ამსახველი კადრები სოციალურ ქსელში ვრცელდება.
“ეს ბაზრის მიმდებარე ადგილი ყოფილა. ვიცოდი, ოდესმე ასე იქნებოდა. მარნეულელები ნაგავს პირდაპირ ალგეთში უშვებდნენ. მდინარის ზედაპირი არც ჩანდა. ხომ გახსოვს მე რომ ვცხოვრობდი ის ქუჩა. ნეტავ, იმათაც შეუვარდებოდეს ოჯახში. ურიკებით რომ მიათრევდნენ ნაგავს და ყრიდნენ ტომრებით მდინარეში” – წერენ სოც. ქსელში მომხდარზე.