“რადიო თავისუფლებამ” დათვალა რა უჯდება სახელმწიფო ბიუჯეტს აქციებზე გაყვანილი პოლიციელების და სპეცრაზმელების შენახვა.
ირკვევა, რომ ერთი სამართალდამცველისთვის განკუთვნილი ერთი ლანჩის ნაკრები 9 ლარი ჯდება.
ჟურნალისტებმა გაარკვიეს, რომ ანტირუსული აქციებისთვის გომელაურის სამინისტრომ თადარიგი წინასწარ დაიჭირა და ტენდერი რუსული კანონის ხელახლა ინიცირებამდე ათი დღით ადრე გამოაცხადა. მაგრამ, აქციების მასშტაბურობიდან გამომდინარე ტენდერით შეძენილი საკვები საკმარისი არ აღმოჩნდა, ამიტომ ტენდერის გარეშე შეძენილია 65 ათასი ლანჩის ნაკრები, რისთვისაც ბიუჯეტიდან 550 ათასი ლარი გადაიხადეს. ხარჯი ბევრად მეტია, მაგრამ სრულ ინფორმაციას შინგან საქმეთა სამინისტრო არ გასცემს.