ირანის შინაგან საქმეთა მინისტრმა აჰმად ვაჰიდიმ განაცხადა, რომ პრეზიდენტი რაისი და მისი თანმხლები პირები აზერბაიჯანიდან დაბრუნებისას რამდენიმე ვერტმფრენში იმყოფებოდნენ, აქედან ერთი ვერტმფრენი არახელსაყრელი ამინდის გამო ავარიულად დაეშვა.
„დღეს აზერბაიჯანის პრეზიდენტის თანდასწრებით გვქონდა ქიზ-კალასის კაშხლის ინაუგურაცია (ცერემონია) ამის შემდეგ პრეზიდენტი თავის გარემოცვასთან ერთად რამდენიმე შვეულმფრენით გაემგზავრა უკან დასაბრუნებლად. ერთ-ერთი ვერტმფრენი არახელსაყრელი ამინდის გამო ავარიულად დაეშვა“, – აღნიშნა ვაჰიდმა.
მისივე თქმით, შემთხვევის ადგილზე მაშველები იმყოფებიან, თუმცა ნისლისა და რთული რელიეფის გამო, ვერტმფრენამდე მისვლას შესაძლოა, გარკვეული დრო დასჭირდეს.
ირანული მედიის ცნობით, ირანის პრეზიდენტის ვერტმფრენი ჩამოვარდა. როგორც სამთავრობო წყაროები აცხადებენ, აზერბაიჯანთან საზღვარზე იბრაჰიმ რაისისა და ალიევის შეხვედრის შემდეგ, საპრეზიდენტო MI-17-ის ტიპის ვერტმფრენი, ირანის ჩრდილოეთით აღმოსავლეთ აზერბაიჯანის პროვინციაში, ვარზაყანის რაიონში უამინდობის გამო ჩამოვარდა(ზოგიერთი წყარო აცხადებს ავარიულად დაეშვა).