ირანის შინაგან საქმეთა მინისტრი, აჰმად ვაჰიდი ამბობს, რომ აღმოსავლეთ აზერბაიჯანის პროვინციაში, პრეზიდენტ იბრაჰიმ რაისის ვერტმფრენი “მძიმედ დაეშვა”. ის ადასტურებს, რომ ვერტმფრენის მგზავრებს შორის ირანის პრეზიდენტი და ქვეყნის საგარეო საქმეთა მინისტრი იყვნენ.
როგორც მედიას ადგილობრივმა მაღალჩინოსნებმა უთხრეს, ირანის წითელი ჯვრის საზოგადოებას შემთხვევის ადგილას მისვლა უამინდობის გამო გაუჭირდა. ცნობილი ხდება, რომ ყველა სხვა ვერტმფრენმა, რომლებშიც ასევე მინისტრები და მაღალჩინოსნები ისხდნენ, დანიშნულების ადგილს უსაფრთხოდ მიაღწიეს.
ირანული მედიის ცნობით, ირანის პრეზიდენტის ვერტმფრენი ჩამოვარდა. როგორც სამთავრობო წყაროები აცხადებენ, აზერბაიჯანთან საზღვარზე იბრაჰიმ რაისისა და ალიევის შეხვედრის შემდეგ, საპრეზიდენტო MI-17-ის ტიპის ვერტმფრენი, ირანის ჩრდილოეთით აღმოსავლეთ აზერბაიჯანის პროვინციაში, ვარზაყანის რაიონში უამინდობის გამო ჩამოვარდა(ზოგიერთი წყარო აცხადებს ავარიულად დაეშვა).