მოსკოვში გაიმართა რუსეთის ფედერაციის სავაჭრო-სამრეწველო პალატის (ТПП) ინიციატივით შექმნილი რუსულ-ქართული ბიზნესსაბჭოს მორიგი სხდომა.
სავაჭრო-სამრეწველო პალატის ვიცე-პრეზიდენტმა ვლადიმერ პადალკომ იმედი გამოთქვა, რომ საგარეო საქმეთა სამინისტროები გაააქტიურებენ მუშაობას “რუსეთსა და საქართველოს შორის დიპლომატიური ურთიერთობების აღდგენის მიმართულებით”.
ამასთან, ვლადიმირ პადალკომ განაცხადა, რომ საქართველო და რუსეთი მომავალში უნდა გადავიდნენ ეროვნულ ვალუტაში ორმხრივ ანგარიშსწორებაზე.
“სამომავლოდ უნდა გადავიდეთ ეროვნულ ვალუტაში ორმხრივ ანგარიშსწორებაზე, რათა რუბლიც და ლარიც იყოს გადახდის საშუალება, ფინანსური ტრანზაქციები კი შუამავლების გარეშე განხორციელდეს”– განაცხადა მან.
ამავე შეხვედრაზე რუსულ-ქართული ბიზნეს საბჭოს თავმჯდომარემ, იური ბალაშოვმა კმაყოფილებით აღნიშნა, რომ 2023 წელს საქართველოს 1,2 მილიონი ტურისტი ეწვია რუსეთიდან, რაც 10%-ით მეტია 2022 წელთან შედარებით და საქართველოში ტურისტების მთლიანი რაოდენობის 23,2%-ს შეადგენ.