“დაგვემუქრნენ, რომ ეკლესიისთვისაც მოიცლიან და მალე გვაჩვენებენ სეირს” – პროტო დიაკვანი მამა დიმიტრი ლომინაძე

ქაშვეთის ტაძრის პროტო დიაკვანმა მამა დიმიტრი ლომინაძემ ღამის საათებში ტაძრის დაკეტვის გადაწყვეტილებაზე ისაუბრა.

როგორც პროტო დიაკვანი მამა დიმიტრი ლომინაძე აცხადებს, გადაწყვეტილების გამოცხადების შემდეგ, მათ დაემუქრნენ.

„მე არ ვიცი რადიკალური ჯგუფი იყო [პირები, ვინც ეკლესიაში შეიჭრნენ] თუ არა, მაგრამ დაგვემუქრნენ, რომ ჩვენთვისაც, ეკლესიისთვისაც მოიცლიან და ორ-სამ დღეში გვაჩვენებენ სეირს. 2012 წლიდან ყოველდღე აქ ვარ და ტაძარს ვაღებ ყოველდღე. თუ რაიმე აქციაა, პრობლემატური მდგომარეობაა, რომ რაიმე არ მოხდეს. ამ მუქარის შემდეგ, გადაწყდა, რომ ტაძარი აღარ გაიღოს, უბრალოდ ეზო იყოს ღია. გადავწყვიტეთ, რომ დაიკეტოს კარი, როცა იკეტება ხოლმე. ჩვეულებრივ 20:00 საათზე იკეტება ტაძრის კარი. შიგნით ხატებია, დაცული რომ იყოს შენობა, ამიტომ ვკეტავთ“, – აღნიშნა სასულიერო პირმა.